Fursunan mai suna
Demi Minor,mai shekara 27, an mayar da shi gidan yarin mata tilo na New Jersey zuwa rukunin gidaje masu rauni a wurin maza.

An fitar da wani fursuna daga gidan yarin mata daya tilo da ke New Jersey bayan ya yi wa wasu mata biyu ciki.

An kai Demi Minor, mai shekaru 27, zuwa rukunin gidaje masu rauni a Gidan Gyaran Matasan Jihar Lambu, kurkuku ga matasa masu shekaru 18 zuwa 30, a cewar Dan Sperrazza, mai magana da yawun Sashen Gyaran New Jersey.

Sperazza ya tabbatar da cewa akwai mata guda uku da aka ajiye a cikin rukunin gidaje masu rauni na samarin, kodayake yawan jama’ar gidan yarin maza ne kawai.

Cire minor daga Cibiyar Gyaran halin ta Mata ta Edna Mahan na zuwa ne shekara guda bayan da jihar ta cimma matsaya tare da Ƙungiyar ‘Yancin Bil’adama ta Amirka ta New Jersey don ba da fursunoni masu canza jinsi bisa ga asalin jinsinsu, maimakon jima’i da aka sanya a lokacin haihuwa. A halin yanzu ginin yana dauke da fursunoni 27 masu canza jinsi, in ji NJ Advance Media.

Sperrazza ya ce “hukunce-hukuncen da ke da alaka da gidajen wani da aka daure ana yin su ne a cikin ma’auni na yarjejeniyar sulhu wanda ke buƙatar la’akari da asalin jinsi da lafiya da amincin mutum.”

ACLU na New Jersey ba ta ba da amsa gajin ba’asin da NBC News tanema ba don yin tsokaci game da canja wurin minor ba.

abc news ta rawaito, Minor, wanda ke zaman gidan yari na shekaru 30 saboda kisan kai, ya yi wa ’yan’uwansu ciki a farkon wannan shekarar bayan wata alaka ta jima’i, in ji Sperrazza. Ya kara da cewa ko da jima’i tsakanin fursunoni haramun ne a jihar.

Fassarawa: Aminu Auwal Saminu